Plant sy'n Derbyn Gofal

Ynghylch:

Mae plant a phobl ifanc mewn gofal yn haeddu'r un cyfleoedd, profiadau a chymorth ag unrhyw un arall. Yng Nghaerdydd, rydyn ni am sicrhau bod plant a phobl ifanc mewn gofal yn teimlo'n ddiogel ac yn hapus ac yn cael pob cyfle i wneud yn dda.

Beth yw ‘Rhianta Corfforaethol’?

Pan fyddwch chi'n dechrau derbyn gofal yng Nghaerdydd, bydd Cyngor Caerdydd yn dod yn rhiant i chi. Term arall am hyn yw Rhiant Corfforaethol. Mae hynny'n golygu eu bod yn gwneud yn siŵr eich bod chi'n cael gofal a chymorth a bod pobl yn gwrando arnoch.

Ein cyfrifoldebau fel Rhiant Corfforaethol

Mae gan Gyngor Caerdydd gynllun o'r enw'r Strategaeth Rhianta Corfforaethol y bu pobl ifanc mewn gofal yn rhan o'i greu. Mae modd cael mynediad at y strategaeth hon yma;

Saesneg - Corporate Parenting Strategy ENGLISH

Cymraeg - Corporate Parenting Strategy CYMRAEG

Mae'r cynllun yn nodi pum peth rydym yn addo eu gwneud ar gyfer plant a phobl ifanc mewn gofal:

1. Cefnogi eu hiechyd a’u lles emosiynol

2. Helpu nhw i feithrin perthnasoedd cryf a chadw’n gysylltiedig

3. Gwneud yn siŵr bod ganddyn nhw gartref cyfforddus, diogel a sefydlog wrth dderbyn gofal ac ar ôl hynny

4. Rhoi cymorth iddyn nhw gydag addysg, cyflogaeth a hyfforddiant

5. Cynnwys a dathlu ein plant a’n pobl ifanc

Mae llawer o wasanaethau a gweithgareddau ar gael y mae plant a phobl ifanc mewn gofal yn gallu cymryd rhan ynddynt. O brofiad gwaith a lleoliadau gwaith i ddigwyddiadau cymdeithasol. Gallwch chi gael mwy o wybodaeth a chymryd rhan ar y dudalen hon.

“Rydw i wedi bod yn brysur yn chwarae gemau gyda Gwasanaeth Ieuenctid Caerdydd, ac mae wedi bod yn llawer o hwyl yn chwarae Rocket League a Fortnite. Rydw i wedi gwneud ffrindiau newydd, ac mae'r staff yn wych. Yr uchafbwynt i mi oedd cael chwarae yn erbyn Tadpole, enillydd medal aur Rocket League.”

– Person Ifanc yn mynychu Cwrs E-chwaraeon

Eich Hawliau a'ch Hawliadau

Mae gennych hawliau i

1. Fod yn ddiogel a chael gofal
2. Cael eich clywed a'ch parchu
3. Gwybod eich cefndir a'ch hunaniaeth
4. Gwybod bydd pobl yn gwrando ar eich barn
5. Cael y cymorth sydd ei hangen arnoch (iechyd, ysgol, pobl)
6. Cwrdd â'ch teulu a chadw mewn cysylltiad
7. Cwyno os nad yw pethau'n iawn
8. Gwybod bydd eich gofal yn cael ei wirio’n rheolaidd a'i gynllunio ar gyfer eich dyfodol gorau

Dylech chi bob amser:

• Gael eich clywed a’ch trin yn deg
• Deall beth sy'n digwydd
• Bod â rhywun rydych chi'n ymddiried ynddo ar eich ochr chi
• Mynegi pryderon os ydych yn teimlo'n anniogel neu'n anhapus

Yr hyn gallwch chi ei wneud i’ch helpu eich hun

Siarad â'ch gweithiwr cymdeithasol neu eich gofalwr am unrhyw bryderon

Ask for an advocate – an independent helper

Dweud wrth rywun os ydych yn meddwl nad yw rhywbeth yn iawn

Dysgwch am eich hawliau fel y gallwch ofyn am yr hyn sy'n deg

“Cefais sioc ein bod ni’n mynd i’r Ganolfan Mileniwm – rydw i wedi gweld yr adeilad lawer ac roeddwn i wastad eisiau mynd i mewn. Roeddwn i wrth fy modd, roeddwn i’n meddwl bod y cantorion yn meimio i drac cefndir nes i un o’r lleill ddweud wrtha i eu bod nhw’n canu mewn gwirionedd. Alla i ddim credu pa mor dda oedden nhw! Roeddwn i’n teimlo’n hapus iawn ar ôl y sioe.”

– Person ifanc yn mynychu sioe gerdd Canolfan Mileniwm Cymru

Gwyliwch Stori KT

“Mae fy nghynorthwyydd personol yn hollol wych, mae hi wedi bod o gymorth mawr i mi ac wedi fy nghefnogi’n fawr gyda fy ngwaith barbwr, ac rydw i wedi dysgu cymaint gyda fy nghynorthwyydd personol wrth fy ochr. Ar ben hynny, mae hi’n helpu i ofalu am ddidoli fy ID a’m pasbort hefyd. Hebddi hi byddai wedi bod yn rhy llethol i mi ei wneud ar fy mhen fy hun. Mae fy nghynorthwyydd personol wedi gwneud llawer mwy heblaw hynny, ac yn onest dydw i ddim yn gwybod beth fyddwn i’n ei wneud hebddi hi. Rydw i’n ddiolchgar iawn am bopeth mae hi wedi’i wneud i mi.”

- Person Ifanc

Eich Llais

Mae'r adran hon i gyd ynglŷn â chi gael dweud eich dweud yn y pethau sy'n effeithio ar eich bywyd.

Boed hynny drwy ymuno â grŵp, siarad ag eiriolwr, neu rannu adborth, mae yna ffyrdd i chi gael eich clywed a chymryd rhan.

Clwb Bright Sparks

Mae Clwb Bright Sparks yn grŵp cyfranogi ar gyfer pobl ifanc 11 i 25 oed sy'n derbyn gofal neu sydd â phrofiad o fod mewn gofal yng Nghaerdydd. Mae'n cynnig cyngor ac arweiniad ynghylch ble i gael mynediad i gymorth a lle i sicrhau bod eich llais yn cael ei glywed.

Y clwb

yn trefnu cyfarfodydd wyneb yn wyneb ac ar-lein
yn trafod pethau sy'n bwysig i bob unigolyn
yn cynnig llawer o weithgareddau hwyliog am ddim
yn amgylchedd diogel a chefnogol dan arweiniad pobl ifanc, ar gyfer pobl ifanc.

Mae'r clwb yn cwrdd yn rheolaidd ar-lein ac yn Grassroots, Stryd Charles, Caerdydd. Os hoffech chi gymryd rhan, gallwch chi gysylltu â lucy.thomas2@cardiff.gov.uk.

Eiriolaeth Annibynnol

Mae eiriolaeth yn ymwneud â sicrhau bod eich llais yn cael ei glywed, yn enwedig pan fydd penderfyniadau’n cael eu gwneud am eich bywyd. Mae'n eich helpu i ddeall eich hawliau, siarad am yr hyn sy'n bwysig i chi a chael cymorth pan fydd ei angen arnoch.

Os ydych chi’n 5 oed neu'n hŷn ac mewn gofal, rhaid i chi gael gwybod am eich hawl i eiriolaeth. Gelwir hyn yn Gynnig Rhagweithiol, sy'n golygu bod gennych hawl i gael gwybodaeth am sut i gael help gan eiriolwr annibynnol.

Mae eiriolwyr yn gallu eich cefnogi gyda phethau fel:

• Ble rydych chi’n byw
• Gweld eich teulu
• Gadael gofal a chynllunio eich dyfodol
• Mynychu cyfarfodydd a gwneud cwynion os nad yw rhywbeth yn iawn

Maen nhw'n annibynnol ar wasanaethau plant, sy'n golygu eu bod bob amser ar eich ochr chi.

Yng Nghaerdydd, NYAS (National Youth Advocacy Service) yn darparu eiriolaeth i blant a phobl ifanc mewn gofal. Byddant yn eich helpu i ddeall eich hawliau ac yn eich cefnogi i siarad a gwneud dewisiadau gwybodus.

Os hoffech chi siarad ag eiriolwr neu gael gwybod mwy, ffoniwch 0808 808 1001 neu e-bostiwch help@nyass.net

neu ewch i Advocacy | What is Advocacy? | Child and Family Advocacy Services | NYAS.

Dweud eich dweud!

Mae Listen Up! yn blatfform ar-lein lle gallwch chi rannu eich meddyliau a’ch adborth â’ch gweithiwr cymdeithasol, swyddog adolygu annibynnol neu rywun arall yng Nghyngor Caerdydd. Gallwch chi gael mynediad i Listen Up! yma.

Iechyd, Lles a Chymorth

Mae angen cymorth ar bawb weithiau. Mae pobl a gwasanaethau sy'n barod i’ch helpu gyda’ch lles, eich iechyd a chynlluniau i’ch dyfodol.

Gwasanaeth Cynghorwyr Personol

Os ydych chi'n 16 i 21 oed ac yn paratoi i adael gofal, bydd gennych Gynghorydd Personol (CP) i'ch cefnogi wrth i chi symud tuag at fywyd fel oedolyn. Os ydych chi mewn addysg amser llawn, mae hyn yn gallu parhau hyd at 25 oed.

Mae eich CP yno i wrando arnoch chi, deall eich nodau a'ch helpu i gynllunio eich dyfodol.

Mae eich CP yn gallu helpu gyda phethau fel:

Sicrhau eich bod chi'n gwybod am wasanaethau ac yn gallu eu defnyddio
Yn eich helpu gyda phethau fel tai, arian, addysg, swyddi, aros yn iach, teulu a byw'n annibynnol.
Eich cysylltu â gwasanaethau eraill a all eich cefnogi
Siarad drosoch chi a sicrhau bod eich llais yn cael ei glywed a bod eich hawliau'n cael eu parchu

Gwasanaeth Ieuenctid

Mae Gwasanaeth Ieuenctid Caerdydd yn gweithio gyda phobl ifanc rhwng 11 a 25 oed, gan eu helpu i feithrin hyder, dysgu sgiliau newydd, gwneud ffrindiau ac ennill profiadau bywyd gwerthfawr.

Sut byddwch chi'n defnyddio Gwasanaethau Ieuenctid?

Os hoffech gael mynediad at wybodaeth a chymorth i'ch helpu i gysylltu â chlybiau a phrosiectau ieuenctid lleol, e-bostiwch cardiffyouthservice@cardiff.gov.uk

Gallwch hefyd ymweld â'n Tudalen Digwyddiadau Tudalen Digwyddiadau i weld y cyfleoedd diweddaraf sydd ar gael i bobl ifanc ledled Caerdydd.

Clybiau Ieuenctid Ar-lein

Fyddai'n well gennych gysylltu â Gwasanaeth Ieuenctid Caerdydd ar-lein?
Mae ein clybiau ieuenctid ar-lein Discord yn fannau diogel a chroesawgar lle gallwch chi:

• gael cymorth gan weithwyr ieuenctid wedi’u hyfforddi
• Cwrdd a siarad â phobl ifanc eraill
• Cymryd rhan mewn gemau fideo ar-lein, gweithdai celf a sesiynau creadigol eraill
• Ymunwch â theithiau a gweithgareddau wyneb yn wyneb

O fewn ein cymuned Discord, mae gofod pwrpasol ar gyfer Plant sy'n Derbyn Gofal yn unig.

I ymuno, llenwch y ffurflen gofrestru. Cardiff Youth Service Discord / Discord Gwasanaeth Ieuenctid Caerdydd.

Cymorth Un-i-Un

Rydyn ni’n cynnig cymorth Gwaith Ieuenctid un-i-un i helpu pobl ifanc i fagu hyder, datblygu sgiliau newydd a goresgyn heriau personol.

Mae pobl ifanc, gofalwyr neu weithwyr proffesiynol yn gallu gwneud atgyfeiriadau trwy adran atgyfeiriadau’r wefan hon. Referrals – Cardiff Youth Service

O fis Ebrill i fis Hydref, rydyn ni hefyd yn darparu cymorth pwrpasol i ddisgyblion Blwyddyn 11, gan eu helpu i gymryd eu camau nesaf ar ôl gadael yr ysgol a mynd ble maen nhw wedi’i ddewis.

Cyfleoedd Creadigol a Digidol

Our Tim Digidol yn gweithio'n agos gyda Gwasanaethau Plant i gynnal gweithgareddau creadigol, diddorol a llawn hwyl yn ystod gwyliau'r ysgol.
Mae’r rhain yn cynnwys:

• Prosiectau E-chwaraeon
• Gweithdai DJ
• Teithiau stiwdios
• A llawer mwy!

I gadw lle neu rannu syniadau ar gyfer prosiectau yn y dyfodol, anfonwch e-bost at Lucy.Thomas2@cardiff.gov.uk

Bydd pobl ifanc sy’n derbyn gofal yn cael mynediad cynnar i gofrestru ar gyfer pob cyfle digidol a chreadigol arall ledled y ddinas, gan gynnwys:

- The • Hyfforddiant Dwys Crewyr Cynnwys yr Haf
- Digwyddiadau E-chwaraeon

• Digwyddiadau creadigol ledled y ddinas

Gweithgareddau a Chyfleoedd Cymdeithasol

Mae cymaint yn digwydd yng Nghaerdydd, ac rydyn ni eisiau gwneud yn siŵr nad ydych chi'n colli cyfle, p'un a ydych chi eisiau rhoi cynnig ar rywbeth newydd, gwneud ffrindiau neu fagu eich hyder.

Pasbort i Ddinas Caerdydd

Mae Pasbort i'r Ddinas yn ymwneud â'ch helpu i ddarganfod y gorau o'r hyn sydd gan Gaerdydd i'w gynnig.

Maen nhw’n darparu digwyddiadau, gweithgareddau a chyfleoedd cyffrous i blant a phobl ifanc. O ddiwrnodau mas llawn hwyl a gweithdai creadigol i ddigwyddiadau chwaraeon, tocynnau theatr a phrofiadau y tu ôl i'r llenni.

Mae rhai enghreifftiau o'r hyn y gallech chi gymryd rhan ynddo yn cynnwys:

Tocynnau i gemau hoci iâ, rygbi, pêl-droed a chriced.
Gweithgareddau antur awyr agored fel caiacio, dringo, sgïo a hwylio.
Mynediad i ddigwyddiadau Nadoligaidd yn y ddinas fel: goleuadau Nadolig, Hud Hud y Gaeaf, gwyliau Calan Gaeaf a mwy.

Am ragor o wybodaeth ewch i What’s On In The City – Cardiff Passport to the City

Ymwelwyr Annibynnol

Mae Ymwelydd Annibynnol yn oedolyn sy'n gwirfoddoli i dreulio amser gyda phlant mewn gofal o dan 18 oed, gan greu atgofion a dod yn rhywun y gallwch ddibynnu arno. Maen nhw'n rhywun y gallwch ymddiried ynddynt a fydd yn treulio amser yn dod i'ch adnabod chi trwy weithgareddau llawn hwyl rydych chi eisiau eu gwneud, fel teithiau dydd neu hobïau.

Mae ymwelwyr annibynnol yn ymweld â phobl ifanc o leiaf unwaith y mis a gyda'ch gilydd, byddwch yn trefnu gweithgareddau ac yn gwneud cynlluniau, fel mynd ar daith undydd. Gallai hyn fod yn daith i'r sinema neu fynd allan am bryd o fwyd gyda'ch gilydd. Efallai eich bod chi eisiau rhoi cynnig ar gamp newydd, neu hoffech chi gael help gyda'ch gwaith cartref. Beth bynnag rydych chi eisiau ei wneud, bydd Ymwelydd Annibynnol yn helpu i wneud iddo ddigwydd.

Nid yw Ymwelydd Annibynnol yn ofalwr nac yn weithiwr cymdeithasol. Maent yn wirfoddolwr sy'n:

Bydd bob amser yn gwrando arnoch chi
Ddim yn cael ei dalu i fod yno
Gallwch chi gael hwyl gyda
Yn dewis treulio amser gyda chi

Dysgwch fwy ymaOs oes gennych ddiddordeb mewn trefnu Ymwelydd Annibynnol, gallwch gysylltu â NYAS (y Gwasanaeth Eiriolaeth Ieuenctid Cenedlaethol) ar 0800 808 1001 sy’n gallu eich helpu gyda'ch cais

Addysg

Mae'r adran hon yma i ddangos i chi beth sydd ar gael i chi os ydych chi yn yr ysgol neu’r coleg neu'n meddwl am eich camau nesaf.

Ysgol Rithwir PDG

Mae'r Ysgol Rithwir Plant sy'n Derbyn Gofal (PDG) yma i helpu plant a phobl ifanc sy'n derbyn gofal gan Gaerdydd i wneud yn dda yn yr ysgol a theimlo'n hyderus am ddysgu.

Rydyn ni’n gweithio gyda'ch athrawon i wneud yn siŵr eich bod chi'n cael y cymorth sydd ei hangen arnoch. Mae gan bob ysgol Arweinydd PDG Dynodedig – athro sydd yno i wrando, rhoi cyngor a gwneud yn siŵr bod eich Cynllun Addysg Bersonol yn gweithio i chi.

Mae'r Ysgol Rithwir Plant sy'n Derbyn Gofal (PDG) yma i helpu plant a phobl ifanc sy'n derbyn gofal gan Gaerdydd i wneud yn dda yn yr ysgol a theimlo'n hyderus am ddysgu.

Rydyn ni eisiau gwneud yn siŵr nad yw bod mewn gofal yn eich atal rhag mwynhau'r ysgol a chael profiad cadarnhaol o addysg.

Addewid Caerdydd

Mae Addewid Caerdydd yn ymwneud â helpu pobl ifanc yng Nghaerdydd i ddarganfod eu potensial a pharatoi ar gyfer y dyfodol.

Trwy ddod ag ysgolion, busnesau a chymunedau at ei gilydd, mae Addewid Caerdydd yn creu cyfleoedd gwirioneddol i chi ddysgu, tyfu a llwyddo.

Os ydych chi'n 16 i 24 oed ac yn meddwl am beth sydd nesaf, boed hynny'n aros mewn addysg, dechrau hyfforddiant, gwirfoddoli, dod o hyd i leoliad profiad gwaith, neu ddechrau swydd, mae gan Addewid Caerdydd gannoedd o gyfleoedd yn aros amdanoch chi ar eu gwefan Beth Nesaf Caerdydd. What’s Next Cardiff website.

Dyma rai o'r pethau y gallwch chi gymryd rhan ynddynt:

- Debate Mate (os ydych chi'n mynychu Ysgol Uwchradd Cathays, Ysgol Uwchradd Cantonian, Ysgol Uwchradd Gymunedol Gorllewin Caerdydd, Ysgol Uwchradd y Dwyrain, Ysgol Uwchradd Fitzalan, Mair Ddihalog, Ysgol Uwchradd yr Eglwys yng Nghymru Teilo Sant, Ysgol Uwchradd Willows, Ysgol Glantaf)
- Rhaglen Profiad Gwaith Gwobr Beth Nesaf – ar gyfer plant blwyddyn 12 sy'n derbyn gofal neu bobl ifanc sydd â phrofiad o fod mewn gofal.

I gael gwybod mwy ewch i Adref neu e-bostiwch cardiffcommitment@cardiff.gov.uk

Cyflogaeth a Hyfforddiant

P'un a ydych chi'n meddwl am eich swydd gyntaf, yn cynllunio eich gyrfa yn y dyfodol neu eisiau trafod pethau â rhywun.

I MEWN I WAITH

Os ydych chi'n 16 i 24 oed ac yn meddwl am eich dyfodol, mae’r Gwasanaeth Cyngor i Mewn i Waith yn gallu eich cefnogi. P'un a ydych chi eisiau cael swydd, dechrau hyfforddi neu fynd yn ôl i addysg, byddan nhw’n eich helpu i ddarganfod beth sy'n iawn i chi.

There are specific opportunities for children and young people looked after by Cardiff Council including:

Dyfodol Disglair

Mae Dyfodol Disglair yn darparu cymorth mentora un-i-un i'r rhai sydd â phrofiad o fod mewn gofal neu sy'n derbyn gofal yng Nghaerdydd. Byddwch yn cael eich mentor eich hun sy’n gallu eich helpu wrth:

• Ysgrifennu CVs a cheisiadau am swyddi
• Paratoi ar gyfer cyfweliadau a magu eich hyder
• Gwneud cais am goleg neu brifysgol
• Dod o hyd i gyfleoedd hyfforddi i feithrin eich sgiliau ac ariannu’r cyfleoedd hyn

Hyfforddeiaeth Dechrau Disglair

Eisiau rhoi cynnig ar swydd ac ennill profiad? Mae'r cynllun hwn yn cynnig lleoliadau gwaith am hyd at 6 mis, gan eich helpu i feithrin sgiliau ar gyfer eich gyrfa yn y dyfodol. Byddwch yn cael:

• Mentor yn y gwaith i'ch cefnogi
• Help gyda chostau teithio a gwisg
• Lwfans wythnosol o hyd at £75 na fydd yn effeithio ar unrhyw fudd-daliadau

I gael mwy o wybodaeth, ewch i'n gwefan www.intoworkcardiff.co.ukanfonwch e-bost atom ar brightstart@cardiff.gov.ukneu ffoniwch/anfonwch neges atom ar 07790591089.

Mentora

Mae One Million Mentors yn ymwneud â helpu pobl ifanc rhwng 14 a 25 oed i feithrin perthnasoedd cadarnhaol a chefnogol â mentoriaid sy’n gallu eich helpu i archwilio eich dyfodol a magu hyder.

Byddwch yn cael eich paru â mentor o fusnes neu sefydliad am hyd at flwyddyn, a fydd yn rhoi cyngor a chymorth i chi am addysg, gwaith a gwirfoddoli.

Mae 1MM yn cynnal rhaglen ar gyfer pobl ifanc sydd â phrofiad o fod mewn gofal yn unig gyda Chlwb Bright Sparks. Mae'n golygu y gallwch gael y cyfle i gael eich mentora o fewn lleoliad grŵp i helpu i feithrin perthnasoedd a hyder.

Manylion Cyswllt

03000133133