Grassroots

Grassroots yw prosiect ieuenctid canol y ddinas ar gyfer pobl ifanc; darpariaeth mynediad agored ydyw, a gallwch chi alw’n ddirybudd. Rydym yn Heol Charles ers dros 40 mlynedd, yn cynnig amrywiaeth o wasanaethau i bobl ifanc gan gynnwys Gwybodaeth, Cymorth ac Arweiniad i bobl ifanc y mae llawer ohonynt yn aml mewn argyfwng. Rydym yn aml yn gweithredu fel eiriolwyr dros bobl ifanc gyda gwasanaethau eraill, gan sicrhau eu bod yn cael eu hawliau fel dinasyddion.

Mae Gwasanaeth Ieuenctid Caerdydd yn cefnogi pobl ifanc i ennill cymwysterau drwy ymgysylltu cadarnhaol. Fel canolfan Agored Cymru, rydym yn cynnig cyfleoedd ar gyfer dysgu gydol oes, boed mewn addysg, cyflogaeth, neu chwilio am swydd. Mae ein staff arbenigol yn darparu cefnogaeth ac arweiniad un-i-un wedi'u teilwra drwy gydol y daith ddysgu, o gofrestru i gyflawni cymhwyster. Gyda ffocws ar anghenion esblygol marchnad lafur Cymru a blaenoriaethau'r llywodraeth, mae ein cymwysterau Agored Cymru yn cael eu parchu gan gyflogwyr, gan helpu dysgwyr i sicrhau swyddi neu ddatblygu eu gyrfaoedd. Units and Qualifications can be found here.