Gwaith Stryd

Rydym yn gweithio gyda phobl ifanc 11-25 oed, ble bynnag y maent; corneli stryd, digwyddiadau cymunedol, parciau ac ardaloedd lle mae'n hysbys bod pobl ifanc yn cymdeithasu. Rydym yn cynnig ein gwasanaethau ar draws y ddinas ynghyd ag amrywiaeth o ymyriadau sy'n cynnwys cyfeirio ac atgyfeirio at sefydliadau sy'n cynnig cymorth arbenigol ac unigol. Rydyn ni hefyd yn gweithio gyda phartneriaid eraill i gyflwyno prosiectau a gweithgareddau mewn lleoliadau cymunedol. Bydd Gweithwyr Ieuenctid sy'n gweithio ar y stryd ac mewn mannau lle mae pobl ifanc yn cymdeithasu yn cael eu hadnabod gan fathodynnau enwau a dillad Gwaith Ieuenctid Cyngor Caerdydd.

Rydyn ni hefyd yn cynnig bws gwasanaeth ieuenctid sef ein darpariaeth symudol sy'n ymweld â sawl ardal o'r ddinas. Mae hyn yn cynnig gwybodaeth, cymorth ac arweiniad, yn ogystal â phrosiectau a gweithgareddau sy'n berthnasol i bobl ifanc.